Transfers

റയൽ മാഡ്രിഡുമായും പിഎസ്‌ജിയുമായും കരാറുണ്ട്, അവസാന തീരുമാനം കിലിയൻ എംബാപ്പെയുടേതെന്ന് താരത്തിന്റെ മാതാവ്

Ali Shibil Roshan
Kylian Mbappe's mother has confirmed they have an agreement with both Real Madrid & PSG
Kylian Mbappe's mother has confirmed they have an agreement with both Real Madrid & PSG / John Berry/GettyImages
facebooktwitterreddit

റയൽ മാഡ്രിഡുമായും പാരീസ് സെന്റ്-ജെർമാനുമായും കരാർ കാര്യത്തിൽ ധാരണയിലെത്തിയതായും, ഏത് ക്ലബിന്റെ ഓഫറാണ് സ്വീകരിക്കുന്നതെന്ന് കിലിയൻ എംബാപ്പെ തീരുമാനിക്കുമെന്നും താരത്തിന്റെ മാതാവ് ഫയ്‌സ ലമാരി വ്യക്തമാക്കി.

"റയൽ മാഡ്രിഡുമായും പാരീസ് സെന്റ്-ജെർമെനുമായും ഞങ്ങൾക്ക് ഒരു കരാറുണ്ട്. ഇനി കിലിയൻ തീരുമാനിക്കും," താരത്തിന്റെ മാതാവ് കോറ പ്ലസിനോട് പറഞ്ഞു.

"പിഎസ്‌ജിയിൽ നിന്നും റയൽ മാഡ്രിഡിൽ നിന്നുമുള്ള രണ്ട് ഓഫറുകളും ഏതാണ്ട് സമാനമാണ്. കിലിയൻ ഒരു തീരുമാനമെടുക്കും," താരത്തിന്റെ മാതാവ് വ്യക്തമാക്കി.

ഈ സീസണോടെ പിഎസ്‌ജിയുമായുള്ള കരാർ അവസാനിക്കുന്ന എംബാപ്പെയെ നിലനിറുത്താൻ ഫ്രഞ്ച് ക്ലബും, താരത്തെ സ്വന്തമാക്കാൻ റയൽ മാഡ്രിഡുമാണ് രംഗത്തുള്ളത്. താരത്തെ സ്വന്തമാക്കാനാകുമെന്ന വിശ്വാസത്തിലാണ് ഇരു ടീമുകളും.

തന്റെ തീരുമാനം ഇരു ക്ലബുകളോടും എംബാപ്പെ ഈ വാരാന്ത്യത്തോടെ അറിയിക്കുമെന്നുമാണ് അടുത്ത വൃത്തങ്ങൾ 90minനോട് വ്യക്തമാക്കുന്നത്. എന്നാൽ ഏത് ക്ലബാകും താരം തിരഞ്ഞെടുക്കുകയെന്ന കാര്യം വ്യക്തമല്ല.


facebooktwitterreddit